أخبار عاجلة
كهربا يقترب من العودة للعميد -
مدرب الهلال يحسم مصير الشلهوب -
الظفرة يضرب أمال الهلاليين في بقاء خربين -
توماسوف ينهي مشواره مع النصر -
حبس 14 متهما من كوادر اللجان النوعية للإخوان -
«الرجاء» يغادر لأداء مناسك العمرة.. غدا -
وفاة عمر هاني لاعب منتخب مصر للخماسي الحديث -

ياسمين الخطيب في حوار لـ"باباراتزي": انا بشيش وبنفسن وبنم وبرقص

ياسمين الخطيب في حوار لـ"باباراتزي": انا بشيش وبنفسن وبنم وبرقص
ياسمين الخطيب في حوار لـ"باباراتزي": انا بشيش وبنفسن وبنم وبرقص

جرت العادة فى الحوارات الصحفية أن تدور فى ذات الفلك المغلق الذى تخرج منه وأنت لم تعرف مع من تحدثت وأصيب القارئ وحتى النجم محور الحديث بالملل من نفس رتابة الأسئلة التقليدية التى لا تكسر الحاجز بين النجم وجمهوره الذى يتمنى أن يعرف تفاصيل حياته كبشر مثلهم يخطئ ويصيب ويجن مرات ويكره ويضعف، فقررنا مسح هذا التابوه العقيم من الأسئلة والإجابات المحفظة وقررنا نبقى «حشريين جدًا» وندخل حياة النجم ونغوص فى تفاصيله ونعرفكم على حاجات لأول مرة هتعرفوها عنه.. ياسمين الخطيب جميلة استطاعت أن تكسر قاعدة أن السيدة الجميلة غالبًا ما تكون غبية أو تمثالًا من الشمع فهى تتمتع بخفة ظل وطفولة ربانية تخفيها وراء جرأتها وحدة ملامحها، فقررنا أن نقترب من الجميلة الشرسة ونحاور الإنسانة وليست الإعلامية المشهورة.

 

■ بتصحى الساعة كام؟

- بصحى متأخر جدًا مش قبل ٢ الضهر وبسهر للصبح.

■ أول حاجة بتعمليها أول ما تصحى؟

- فنجان القهوة والسيجارة.

■ بتفتحى التلاجة كم مرة بالليل؟

- مش بفتحها خالص.. بحط السندوتشات جنبى.

■ بتحبى الهرى؟

- لأ.

■ بتتكلمى كام مرة فى التليفون؟

- مش بشيله من على ودنى.

■ بتنفضى كتير لناس بتتصل وتعملى إنك مشفتيش الاتصال؟

- الغلسين بس.

■ بتشربى كم سيجارة فى اليوم؟

- ٥ بالكتير أنا مش مدخنة شرهة.

■ إنت بتنفسنى من حد أو على حد؟

- بنفسن من كل الناس اللى ذاكرتهم قوية لأن قدرتى على الاحتفاظ بالمعلومات ضعيفة.

■ آخر مرة نمَّيت فيها على حد امتى؟

- من شوية.

■ «بتغيرى» لو شفتى حد جامد؟

- بغير على حد بحبه مش من أى حد أبدًا.

■ أول حاجة بتعمليها أول ما تمسكى فلوس؟

- بشترى جاتوه للبيت كله.

■إنت بخيلة؟

- أنا مسرفة لدرجة الهبل.

■ إيه أكتر حاجة بتصرفى فيها فلوسك؟

- الفساتين.

■ بتتكلمى على حد رخم بعد ما يمشى اضطريتِى تسلمى عليه بحفاوة؟

- لا.

■ إنت غيورة؟

- لو على شخص بحبه يبقى جدًا.

■ إيه اللزمة اللى عندك فى كلامك أو حركاتك؟

- (لا بجد؟.. بتهرج) بكررها كتير.

■ بتكدبى كم مرة؟

- لما أحتاج.

■ آخر مرة بكيتى؟

- ليلاتى.

■ بتأكلى كم مرة فى اليوم؟

- مرتين وبعك فى النص ١٠٠ مرة.

■ برفانك المفضل؟

.Body

■ أكتر كافيه بتقعدى فيه؟

- أى كافيه فيه شيشة حلوة شغال.

■ أكتر بلد بتحبى تسافريها؟

- أسوان.

■ أيهم أكثر أنوثه غادة ولا هيفاء؟

- هيفاء.

■ مين أشيك فنان؟

- شعبان عبدالرحيم.

■ الراجل اللى بيعجبك؟

- اللى تعجبنى دماغه.

■ مقاس جزمتك؟

- ٣٧ ونص.

■ نوع عربيتك؟

- نيسان.

■ أكتر حاجة بتكرهيها فى شكلك؟

- تاتو حواجبى.

■ وأكتر حاجة بتحبيها؟

- دماغى.

■ أول حاجة تلفت نظرك فى الراجل؟

- طوله.

■ لو حد شتمك أو كسر عليكِ وإنت سايقة بتعملى إيه؟

- بلعن سلسفيل أهله.

■ إنتى شخص غلاوى... يعنى بتشيلى فى قلبك؟

- لا والله.. برد الخوازيق أول بأول.

■ ساعات بتعملى حركات عبيطة؟

- مع العيال.

■ بترقصى قدام المراية؟

- أساسى.

■ نوع الشيكولاتة اللى بتحبيها؟

- كندر.

■ كل واحد ليه عمر حقيقى وعمر هو بيحسه.. إنت بتحسى عندك كم سنة؟

- ٦٠ سنة.

■ إيه اللى لسه باقى عندك من حركات العيال؟

- القمص.

■ بتستلفى أو بتسلفى؟

- بسلف... مااستلفش أبدًا لو هنام ع الرصيف.

■ إنت بتحوشى؟

- عمرى.

■ أكتر مبلغ حوشتيه وإنت صغيرة؟

عمرى ما حوشت.

■ إيه الحاجة اللى كان نفسك تشتريها وإنت صغيرة وأهلك مقدروش وجبتيها أول ما كبرتى؟

- كل حاجة تمنيتها جابوهالى حتى الحاجات اللى كانت مش فى مقدورهم.. بس كان فيه ممنوعات زى سندوتشات الكبدة من الشارع عشان كده بجيبها بسعادة مضاعفة لما كبرت.

■ إنت بتزعقى فى اللى بيشتغلوا عندك؟

- ساعات وبعتذر بعدها.. هما عارفين إن أنا طيبة وبيسامحونى.

■ إيه اللى نفسك تتجننى وتعمليه أو كنتِ بتعمليه واتحرمتى منه لأنك مشهورة؟

- بعمل اللى نفسى فيه عادى.. هو أنا الأميرة ديانا؟

■ بتصلى ولا لما تبقى عايزة حاجة من ربنا؟

- ده كلام بينى وبينه.

■ إنت بتاعة مصلحتك؟

مفيش حد مش بتاع مصلحته.

■ إنت «بـُـرطة» ولا نشيطة؟

- «بـُـرطة» طبعًا.

■ مكانك المفضل فى البيت؟

- المكتب.

■ لما بتيجى تخرجى بتفتحى دولابك وتعرفى هتلبسى إيه ولا بتنزلى الدولاب كله وتفضلى تختارى؟

- حسب نوع الخروجة.. ساعات بلبس الدولاب كله وساعات بخرج ببنطلون البيجاما والشبشب.

■ إنتى ست منظمة بتحطى كل حاجة فى مكانها ولا أوضتك يسودها الفوضى؟

- أنا منظمة إلى حد الوسواس.

■ الحيوان اللى بتترعبى منه؟

- الدب.

■ إنت شرسة؟

- جدًا.

■ إنتى أحلى ولا هيفا؟

- هيفا.

■ هتمثلى امتى بقاااااا؟

- قريب.

■ يعنى فيه عرض وافقتِ عليه؟

- فى أكتر من عرض واحتمال أجرب.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى بالصور.. فاروق حسنى يقرأ مستقبل الثقافة والفن فى أتيليه الإسكندرية