أخبار عاجلة

مثقفون يتضامنون مع تامر حسنى: إصرارك عمل منك فنان ناجح


كتب محمد عبد الرحمن

حالة من التعاطف شهدتها صفحة النجم تامر حسنى الرسمية، بعد نشره تدوينة مؤثرة عن فترة طفولته واعترافه أنه كان لا يمتلك وقتها المال لشراء الملابس ولا أب يصرف عليه، لكن إصراره صنع منه الرجل والفنان الذى وصل له، ما فتح حالة واسعة من الاهتمام وردود فعل عبر موقع التواصل الاجتماعى "فيس بوك"، وأعلن عدد كبير من المشاهير والمثقفين والفنانين المصريين تضامنهم معه، مؤكدين إعجابهم به وبقصة كفاحه.

1
 

وكان من ضمن من تضامنوا مع "تامر حسنى" الكاتب الشاب أحمد مدحت حيث رد على التدوينه قائلا: "والله يا أخى أنا ممكن أقعد أنتقد فيك لغاية ما اللى بيقرأ هيزهق منى، بس الكلمتين دول فكّرونى إنى عمرى ما قدرت أكرهك".

 

3
 

فيما قال الشاعر الشاب محمد إبراهيم: "إصرارك عمل منك راجل إنسان فنان اسمه تامر حسنى.. تصفيق حاد"، وتابع "كل واحد فينا عنده حدوته شبه دى كده.. خلت منه الإنسان الناجح اللى الناس شايفاه.. كل النجوم الكبار بدأوا من تحت الصفر بكتير كمان.. كلهم اتعرضوا لمواقف مهينة و أيام صعبة.. أيام مكانش فيها الفلوس ولا الشهره ولا الأغانى اللى مكسرة الدنيا.. بس انا متأكد ان كل فنان كبير على قد ما هو فخور بنجاحه على قد ما هو نفسه يرجع ليوم من أيام زمان و يعيش حياته ببساطه من غير الضغوط النفسيه اللى الشهره حطته فيها".

2
 

فما اكتفى الكاتب سامح فايز بكتابة تدوينة تشجعية لتامر: "عاش".

5

فيما اعترف الكاتب الساخر هشام منصور بسخريته من الصور مبديا اعتذاره لتامر قائلا: "أنا من أكتر الناس اللى اتريقوا عليك ومبسوط باللى إنت كاتبه، فرق الصورتين ده رحلة ماحدش هيفهمها غير اللى تعب فى حياته، عاش يا تامر، وحتة ماعنديش حد يشتريلى حاجة دى عارفها كويس ووجعتنى، ربنا يزيدك ويسعدك وماينفعش تبقى أى حاجة غير فخور بالصورة دى".

ورد المطرب تامر حسنى أمس الاثنين، على منتقدى صورته فى فترة المراهقة، مؤكدًا أنه كان يقلد المشاهير فى أفلامهم وكانت هذه الموضة المنتشرة فى تلك الأيام، مشددًا على أنه لم يملك المال لشراء الملابس ولا أب يصرف عليه، لكن إصراره صنع منه راجل وفنان.

وكتب تامر عبر صفحته الرسمية: "لمن يهمه الأمر، من يومين نزلت صورة ليا وأنا صغير وشغلت ناس كتير وفضلوا يتريقوا على الصورة، فى الحقيقة إنى فى الوقت ده فعلاً كنت بحاول أقلد المشاهير فى صورهم وأفلامهم وحركاتهم، وبغض النظر عن أنه فى الوقت ده كانت الموضات شبه كده، أنا بقول شبه كده لأنى كنت ولد صغير معندوش فلوس نهائى يشترى لنفسه حاجة غالية ولا عنده أب يشتريله حاجه أصلاً".

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى محمد الحلو يكشف حقيقة قراره اعتزال الغناء